Országos Ruszin Önkormányzat - Вседержавноє Русинськоє Самосправованя

Перва редакція Меси Ференца Ліста

У недїлю 29. мая о 12 годинї у Будапештянськуй Централнуй Парафіялнуй Церьковли у керетах сятої службы прозвучить перва, компонована 1848 рока, редакція меси Ференца Ліста у сповненю Чабы Кіраля и мужського хора Сятого Єфрема. Сесь музикалный твур Ф. Ліста, написаный композітором у 37 лїтнюм віцї не про дакого, а, як вун сам пише, «по днушнюй мотівації», мож учути доста рідко. Про сей твур сам композітор пише слїдуючоє: «Коли-м создавав сесь твур, я споминав на Рим и Палестину. Як было бы приємно творити дале у атмосфері сюй ідеолоґії, моюй молодости, до котруй у своюм сердцї я до днесь ношу майглубші чуства!» Бесїда йде за надзвычайно смілый твур про мужськый хорал, котрый вымагать надвысокуй технічнуй майстерности, и котрый буде представленый у проґрамі фестівала Рук Ференца Ліста 2011 (орґанізатор: Hungarofest/Klassz).

Щиро позываєме вшыткых на сю необычайну културну акцію.

Томаш Бубно
умілецькый ведучый

2012/3. Вістник Мужського Хора Сятого Єфрема

Дорогі наші почитателї!

Любили бы зьме інформовати вас за наші майські концерты.

13. мая 19:00, Дьёр – наФестівалї Пяти Церьков даме концерт пуд назвов «Ференц Ліст и його дїдузнина» у Уйварошськуй Римокатолицькуй Церьковли. У проґрамі будуть исповненї монеды и псалмы майбулшых композіторув церьковнуй музыкы, а также церьковнї гімны їх славянськых сочасникув и послїдовникув (Чайковського, Рахманінова, Чеснокова, Людкевіча).

15. мая 18:30, Пожонь (Братіслава) – у Соборі Сятого Мартіна в честь предсїдательства Мадярщины в ЄС и Рока Ференца Ліста –  2011, хлопськый хор дасть великый концерт, главным покровителём котрого є пан Антал Гейзер, надзвичайный и повноважный посол Мадярщины у Словакії. Окрем частей з Сексардськуй церьковнуй службы и монедув Ліста и творув Ваґнера, Ґлінкы, Чеснокова, Бокшая, Бартока, будуть сповненї дві композіції вызначных словацькых майструв Мікулаша Шнейдер-Трнавського и Левослава Белла.

22. мая 11:00, Ґёдёлё – на просьбу Вседержавного Русинського Самосправованя на старославянськоязычнуй Сятуй Літурґії у Премонтрейськуй Церьковли будеме сповняти літурґію про хлопськый хорал Яноша Бокшая, олтарьну службу подержать пудкарпатські, мадярські и словацькі сященикы.

27. мая 18:00, Валон–  у прекраснуй и великуй історичнуй церьковли епохы класіцізма будеме співаты церьковнї творы візантійсько-ґрецькых, славянськых и мадярськых майструв музыкы.

29. мая 12:00, Будапешт –у Церьковли Главнуй Парафії Вароша зучастниме ся на службі трідентського рітуала, сповниме перву, компоновану Лістом 1848 рока, службу про хлопськый хорал пуд веденём орґаністы Чаби Кірая, котрый сповнить и другі творы великого композітора. Частины ґрегоріанського пропіріума проспівать Capitulum Laicorum Sancti Michaelis. Едіція акцій Musica Sacra пуд орґанізаціёв офіса Hungarofest-Klassz добрі ся вписує у проґрамы «Ліст 2011». На кулько нам є на знаня, у цїлум світї лем у керетох сёї акції прозвучать всі служби Ліста в оріґіналнуй літурґії староримського рітуала.

До сёго хочеме ищи зазначити и концерт, што одбуде ся 1. юнія у Овбудї, дві части котрого будуть переведенї на иншакых містах. Проґраму пуд назвов «Ліст и славянська култура», у котруй нашыма гостями были Дора Бізяк (фортепіано), Юдіт Райк и Тюнде Сабокі (вокал), мы перевели вже у фебруарі з великым успіхом на Старуй Музычнуй Академії. Теперь наново будеме співаты перед вакаціями у парафіялнуй церьковли Сятого Петра и Павла, а по вакаціях у Овбудайськум Кружкови (Óbudai Társaskör). У фебруарі много людей не помістило ся у Палатї на улицї Андраші, зато тых майнаперед, як и вшыткых иншых желаючых ласкаво просиме на сї концерты.

Концерт хлопського хора Сятого Єфрема на виходных другого тижня мая

Минулой суботы у Саабрукенї одкрыла ся важна културна акція пуд назвов Musikfestspiele Saar 2011, котра проводить ся каждый другий рук, и девіз сёго рока: Сервус, Австріё! У проґрамі сёго двомісячного фестівала будуть выступати упознаванї солісты и групы світового и европського музикалного жывота (напр. Борис Березовскій, Гейнріх Шіфф, квартет Hagen, гудакы філармонії Дрездена и Відня, Concentus Musicus Wien). По одкрытю фестівала у Саабрукенї з первым концертом у недїлю выступив хлопськый хор Сятого Єфрема: з великим успіхом были исповненї Сексардська Служба и мотеты Ференца Ліста пуд акомпанімент орґаністы Чаби Кірая.

Сей концерт могли были вчути вшыткі, ко 8. мая, у недїлю вечар навштївили церьков Ciszterci Szent Imre на вулицї Вілланї у ХІ районї Будапешта. Вход быв безплатный.

6. мая, у пятницюна XIV. Фестівалї Будаерша у салї урочистых подій варошськуй хыжі хлопськый хор Сятого Єфрема дав концерт вєдно з Беєю Пальо и Rorschach Band. Была представлена проґрама «Од cantiga ку gospel»

7. мая, в суботу о 18 годинї співали на благодійнум концертї про збор коштув на будованя ґрекокатолицькуй церьковли у Дунакесї. Межи исповнителями найдеме также Єву Фабіян, Каталін Пітті, Андраша Береца, Томаша Кобзоша Кіша.

Pax vobiscum – Мир вам

Споминаня Ференца Ліста, хатынськых и смоленськых жертв

Сїм мотетом, написаным Лістом у старшум віцї, хлопськый хор Сятого Єфрема, котрый недавно ся вернув з Польщи, зачав концерт пуд назвов In memoriam Ferenc Liszt на Ґданськум Музикалнум Фестівалъ, а потом у Варшаві у церьковли Вілянув Сятої Анны. И на балтійськум фестівалї, и на варшавськум концертї великый и позітивный вплыв на слухачув мало представленя хором такых творув Ліста, котрі лем рідко мож учути, а также другых познатых композіторув хлопського хорового співа (Ваґнера, Ґлінкы, Рахманінова, Бокшая, Кодая, Бартока). Орґанізованый Посолством Мадярщины у Варшаві и варшавськым Центром Мадярськуй Културы концерт єдночасно быв и честованём памняти польськой делеґації, што погибла в авіакатастрофі пуд час лїтаня на місто жертв хатынського злочинка. Притомнї у переповненуй церьковли кардінал Юзеф Ґлемп и вдова послїднёго предсїдника польського уряда у еґзілї Рішарда Качоровського зрушуючыма словами подяковали хлопському хору за вечар, за сочуство мадярськых горожан братнёму польському народу, а также ґенеральному послові Робертови Кішови за привітне слово на зачатку концерта. Хлопський Хор Сятого Єфрема закончив концерт твором пуд назвов «Вечур Бартока»: „Тихо всягды, тихо...”