Milan Sasik
19.07.2020 09:23
Непоправну втрату понесли Русины-ґрекокатоликы Пудкарпатя. На шістьдесять восьмум рокови жывота нагло умер єпископ Мукачовськуй Ґрекокатолицькуй Єпархії Мілан Шашік. 
Мадярські ґрекокатоликы вєдно з пудкарпатськыма тримлють велику жалобу. У недїлю 19. юлія у ґрекокатолицькум храмови на площі Руж у Будапештї у 13.30 буде Служба Божа за упокой душы спочилого владикы. Целебровати на нюй буде емерітный єпископ Гайдудороґськуй Ґрекокатолицькуй Єпархії Сілард Керестеш, поможе му о. Михаил Тіводор.