Soltész Miklós megbeszélés
11.01.2021 20:34
 
Мікловш Шолтейс, держсекретарь з вопросув реліґійных и націоналных капчань Офіса премєр-міністера провюв переговоры из руководителями націоналных меншын Мадярщины
Цітат из фейсбук-сторонкы пана держсекретаря
 
Пан держсекретарь 8-го януара 2021. рока продовжыв зачатї у децемброви стрічі из руководителями націоналных меншын Мадярщины, на котрых обсудили планы на 2021. рук.
Первыма прибыли Ева Марія Ронаіни Слаба, націоналный посланик Полякув у Парламентї Мадярщины и Марія Фелфёлді, предсїдатель Вседержавного Полського Самосправованя, из котрыма обсудили розвуй полськуй сполности на 2021. рук.
За ныма пан держсекретарь стрітив ся из выбраныма руководителями – ги казав Ференц Раковцій ІІ. – „майвірного народа”, Русинув - Віров Ґіріц, націоналным послаником Русинув у Парламентї, и Віктором Крамаренко, предсїдателём Вседержавного Русинського Самосправованя.
Мікловш Шолтейс подяковав їм за помуч у реалізації будованя ґрекокатолицькуй церьковли в Дебреценї и выразив надїю, же у септембрі уже довєдна зучастнять ся на Русинськум отпустї у обновленуй ґрекокатолицькуй церьковли у Шайовпалфолї.
 
Пан держсекретарь закончив пост у фейсбукови: „Да благословить Господь Бог жыючых у Мадярщинї Полякув и Русинув!”